ਸ੍ਰੀ ਮਾਛੀਵਾੜਾ ਸਾਹਿਬ– (ਸੁਸ਼ੀਲ ਸ਼ਰਮਾ)— ਨਗਰ ਕੌਾਸਲ ਮਾਛੀਵਾੜਾ ਵਿਖੇ 17 ਦਸੰਬਰ ਨੂੰ ਹੋ ਰਹੀਆਂ ਚੋਣਾਂ ਵਿੱਚ ਸਾਰੇ ਉਮੀਦਵਾਰ ਆਪੋ ਆਪਣਾ ਜੋਰ ਲਗਾ ਰਹੇ ਹਨ | ਹਰੇਕ ਉਮੀਦਵਾਰ ਆਪੋ ਆਪਣੀ ਜਿੱਤ ਦੀਆਂ ਕਿਆਸਅਰਾਈਆਂ ਲਾ ਰਹੇ ਹਨ | ਮਾਛੀਵਾੜਾ ਸਾਹਿਬ ਦਾ 15 ਨੰਬਰ ਵਾਰਡ ਜੋ ਐਸ. ਸੀ. ਰਾਖਵਾਂ ਦਾ ਇੱਕੋ ਇੱਕ ਅਜਿਹਾ ਵਾਰਡ ਹੈ, ਜਿੱਥੇ ਅਕਾਲੀ ਭਾਜਪਾ ਦੇ ਸਾਂਝੇ ਉਮੀਦਵਾਰ ਡਾ. ਮਨਪ੍ਰੀਤ ਸਿੰਘ ਦੀ ਜਿੱਤ ਯਕੀਨੀ ਨਜ਼ਰ ਆ ਰਹੀ ਹੈ | ਡਾ. ਮਨਪ੍ਰੀਤ ਸਿੰਘ ਜੋ ਕਿ ਪੇਸ਼ੇ ਵਜੋਂ ਡਾਕਟਰ ਹਨ ਅਤੇ ਐਸ. ਸੀ. ਵਿੰਗ ਦੇ ਮਾਛੀਵਾੜਾ ਸਰਕਲ ਦੇ ਪ੍ਰਧਾਨ ਹਨ | ਉਨ੍ਹਾਂ ਨੇ ਆਪਣੀ ਜਿੰਦਗੀ ਦਾ ਇੱਕੋ ਇੱਕ ਨਿਸ਼ਾਨਾ ਲੋਕ ਸੇਵਾ ਦਾ ਮਿਥਿਆ ਹੋਇਆ ਹੈ | ਉਨ੍ਹਾਂ ਨੂੰ ਵਾਰਡ ਨੰਬਰ 15 ਦੇ ਸਾਰੇ ਵਾਰਡ ਨਿਵਾਸੀਆਂ ਦਾ ਪੂਰਾ ਸਮੱਰਥਨ ਹੈ | ਉਨ੍ਹਾਂ ਨੇ ਵਾਰਡ ਨਿਵਾਸੀਆਂ ਨੂੰ ਪੂਰਨ ਵਿਸ਼ਵਾਸ਼ ਦਿਵਾਇਆ ਕਿ ਉਹ ਵਾਰਡ ਦੇ ਵਿਕਾਸ ਕੰਮਾਂ ਵੱਲ ਪੂਰਨ ਧਿਆਨ ਦੇ ਕੇ ਲੋਕ ਸੇਵਾ ਕਰਨਗੇ | ਡਾ. ਮਨਪ੍ਰੀਤ ਸਿੰਘ ਦੀ ਜਿੱਤ ਲਈ ਕਰਨਬੀਰ ਸਿੰਘ, ਟੋਨੀ ਕਬੱਡੀ ਲੱਖੋਵਾਲ, ਰੁਪਿੰਦਰ ਸਿੰਘ ਤੱਖੀ, ਮੋਹਣ ਸਿੰਘ ਲੱਖੋਵਾਲ, ਮਾਸਟਰ ਅਨੋਖ ਸਿੰਘ, ਨਿਰੰਜਣ ਸਿੰਘ ਨੂਰ, ਗੁਰਪ੍ਰੀਤ ਸਿੰਘ ਜਾਤੀਵਾਲ, ਸਤਨਾਮ ਸਿੰਘ ਗੁਰੂਗੜ੍ਹ, ਕਰਨਬੀਰ ਸਿੰਘ ਅਢਿਆਣਾ ਆਦਿ ਦਿਨ ਰਾਤ ਇੱਕ ਕਰ ਰਹੇ ਹਨ |
